Ազգային գրադարանային շաբաթուան ծրագրի շրջանակէն ներս ՀԱԳ Մատենագիտութեան բաժնի ընթերցասրահէն ներս տեղի ունեցաւ միջոցառում եւ գրականութեան ցուցադրութիւն՝ նուիրուած հայ անուանի գրադարանագէտ Արազի Թիրապեանի ծննդեան 105-ամեակին։ Հիւրերը ողջունեց եւ բացման խօսքով հանդէս եկաւ Մատենագիտութեան բաժնի վարիչ Անահիտ Նալպանտեանը։ Արազի Թիրապեանի կեանքի եւ գործունէութեան, աշխատութիւններուն մասին խօսեցաւ Մատենագիտութեան բաժնի երկարամեայ աշխատակից Նայիրա Մելքոնեանը։։

Ազգային գրադարանէն հեռու կեցած մարդոց կրնայ թուիլ, թէ գրադարան ղեկավարելը հանգիստ գործ մըն է։ Ատիկա միայն առաջին հայեացքէն։ Բաւական է ըսել, որ գրադարանի պետական կարգավիճակի 85 տարուան ընթացքին փոխուած է 14 տնօրէն։ Թիւերու լեզուով ըսած՝ Թիրապեանի «բաժին հասած է» ղեկավարման 38.8 տոկոսը։ Մեծ է Ա. Թիրապեանի աւանդը գրադարաններու կեդրոնացուած համակարգեր ստեղծելու գործին մէջ, որ մեր հանրապետութեան մէջ իրականացուած է 1974-1980 թուականներուն։ Անոր օրօք ստեղծուեցան, ընդլայնեցան ու զարգացան գրադարանին կապերը սփիւռքի կազմակերպութիւններուն եւ անհատներու հետ։ Աշխատանքային երկարամեայ գործունէութեան ընթացքին Ա. Թիրապեանի վաստակը արժանացած է ճանաչման եւ գնահատման։

ՀԱԳ աշխատակից Ներսէս Հայրապետեանը եւս խօսեցաւ կազմակերպուած ցուցահանդէսին մասին, որ, ի դէպ, կազմակերպած էին մատենագէտներ, որոնք աշխատանքի են ընդունուած Ազգային գրադարան դեռեւս Ա. Թիրապեանի տնօրինութեան օրօք։ Հանդիպումը ամփոփեց, տարիներու ընթացքին գրադարանէն ներս եւ գրադարանային գործին մէջ տեղի ունեցած տեղաշարժերու, փոփոխութիւններու եւ գրադարանավարի մասնագիտութեան կարեւորութեան մասին խօսեցաւ ՀԱԳ տնօրէնուհի Աննա Չուլեանը։