Հայաստանի ազգային գրադարանը և «Ակտուալ արվեստ» հրատարակչությունը սիրով հրավիրում են Դընի Դոնիկյանի «Լինել, թե չլինել ծնված…» (Être né ou ne pas l’être) գրքի շնորհանդեսին։ Դընի Դոնիկյանի աֆորիզմների ժողովածուն ընթերցողին է ներկայացնում կյանքի, ինքնության և գոյության մասին խորիմաստ ու խտացված մտքեր։

Դընի Դոնիկյանը ֆրանսահայ գրող, թատերագիր և մտավորական է, ում ստեղծագործություններում հաճախ միահյուսվում են ինքնության, սփյուռքի և մարդկային գոյության հարցերը։ Նրա գրական ոճը բնութագրվում է սուր դիտողականությամբ և արտահայտչական խտությամբ, ինչը հատկապես ընդգծված է աֆորիզմների ժանրում։

Ապրիլի 29

Ժամը՝ 16։00

Հայաստանի ազգային գրադարան, 2-րդ հարկ, նախագահական սրահ

Միջոցառման ընթացքում տեղի կունենա գրքի ներկայացում և ընթերցում։

Թարգմանությունը ֆրանսերենից՝ Լուսինե Մուսախանյանի։

Գիրքը հրատարակվել է «Ակտուալ արվեստ» հրատարակչության կողմից։

Լրացուցիչ հարցերի համար՝ 033 62 35 13