Հայաստանի ազգային գրադարանը Միլութին Սրեչքովիչի անուան հանրային գրադարանէն (Սմետերեւսկա Փալանքա, Սերպիա) ստացաւ «Գործեր եւ երազներ» երկհատոր հրատարակութիւնը։ Հրատարակութիւնը գրադարանին փոխանցուած է Սերպիայէն Հայաստան՝ ՀԱԳ աշխատակից Եւկենիա Վարդապետովայի նախաձեռնութեամբ եւ միջնորդութեամբ։

Միլութին Սրեչքովիչի անուան գրադարանը, որ 1884 թուականէն ի վեր կը գործէ նախկին փոստային բաժանմունքի պատմական շէնքին մէջ, կը համադրէ աւանդութիւնն ու ժամանակակից ընթերցողական միջավայրը։ Գրադարանի հաւաքածոն կը ներառէ շուրջ 55.500 միաւոր Սմետերեւսկա Փալանքային մէջ եւ եւս 10.500 միաւոր՝ Ազանիա քաղաքի մասնաճիւղին մէջ։ Գրադարանի տնօրէնուհի Եասմինկա Միլոյքովիչը կարեւոր նկատած է Հայաստանի ազգային գրադարանի հետ յետագայ համագործակցութիւնը։ Հայաստանի ազգային գրադարանի հաւաքածոներուն մէջ կան սերպական գրականութեան հայերէն թարգմանութիւններ https://is.gd/fX9emZ, ինչպէս նաեւ սերպերէն գրականութիւն https://is.gd/SiKkht: