Հայաստանի ազգային գրադարան այցելած էր քուէթահայ գործարար, բարերար եւ հասարակական գործիչ Կիրակոս Քույումճեանը։ Ան շուրջ երեք տասնեակ արաբերէն գիրքեր նուիրեց Ազգային գրադարանին։ Գիրքերէն քանի մը հեղինակը նոյնինքն Կիրակոս Քույումճեանն է. ատոնք արաբական մամլոյ մէջ տպագրուած անոր յօդուածներու ժողովածոներն են։ 2013 թուականին արաբերէնով լոյս տեսած «Կայաններ եւ դիրքորոշումներ» գիրքին մէջ զետեղուած են տարիներու ընթացքին Քույումճեանի գրած եւ հրատարակած քաղաքական եւ պատմական նիւթերով յօդուածները:

2023 թուականին Երեւանի մէջ տեղի ունեցաւ Քույումճեանի «Իմ երթը երկաթի հետ» արաբերէն գիրքին շնորհանդէսը։ Գիրքը մարդկութեան համար շատ կարեւոր եւ անփոխարինելի մետաղի մասին փայլուն հանրագիտարան մըն է։ Կիրակոս Քույումճեանը Քուէթի հայ համայնքի նշանաւոր անդամներէն է։ Ան Քուէթի մէջ հիմնած է եւ կը ղեկավարէ «Metal Centre Company» մետաղագործական խոշոր ընկերութիւնը։ Քույումճեանը նաեւ աշխուժ գործունէութիւն ծաւալած է հայ համայնքին մէջ։ Ան տասնեակ՝ գլխաւորաբար հայկական նիւթերով (պատմութիւն, քաղաքականութիւն, գրականութիւն եւ այլն) յօդուածներ գրած է արաբական մամլոյ մէջ: