Հրապարակուած է «Բանբեր Հայաստանի գրադարաններու» գիտամեթոտական հանդէսի 2024 թուականի առաջին համարը: Համարը կը ներառէ յօդուածներ հետեւեալ բնաբաններու ուղղութիւններով՝ գրադարանային կառավարում եւ ծառայութիւններ, թուային բովանդակութեան կառավարում, ժառանգութեան պահպանութիւն եւ հանրահռչակում, սփիւռքի տպագիր ժառանգութեան պահպանութիւն եւ հանրահռչակում, գրախօսութիւններ եւ հաղորդումներ։

Հանդէսի ներկայ համարին մէջ 14 յօդուած, գրախօսութիւն եւ հաղորդում տպագրուած է: «Բանբերը» նախատեսուած է գրադարանագիտութեան, մատենագիտութեան, թանգարանագիտութեան, մարդասիրական գիտութիւններու ոլորտի մասնագէտներու համար։ «Բանբեր Հայաստանի գրադարաններու» գիտամեթոտական հանդէսը գրանցուած է «EBSCO» միջազգային բարձր վարկանիշ ունեցող գիտական հրատարակութիւններու հարթակին վրայ։ Հանդէսը կարելի է կարդալ այս յղումով՝ https://dspace.nla.am/communities/988f4a48-5cd6-491c-97e8-85d3df024abf: