Հունվարի 12-ին ՀՀ կրթության, գիտության, մշակույթի և սպորտի նախարար Ժաննա Անդրեասյանը, փոխնախարար Արա Խզմալյանը և մշակութային ժառանգության և ժողովրդական արհեստների վարչության պետ Աստղիկ Մարաբյանը աշխատանքային այցով հյուրընկալվեցին Ազգային գրադարանում։    

Պատվիրակությանը դիմավորեց և նրանց համար գրադարանում շրջայց անցկացրեց գրադարանի տնօրեն Աննա Չուլյանը։ Նախարարը եղավ ընդհանուր, գիտական և մամուլի ընթերցասրահներում, ծանոթացավ գրադարանի մասնաշենքերում գրապահոցային պահպանության պայմաններին, ինչպես նաև գրադարանի կողմից կատարվող հայ գրքի և մամուլի թվայնացման աշխատանքներին։ Այցելության ավարտին նախարարը խորհրդակցություն վարեց գրադարանի տնօրինության հետ, որի ժամանակ քննարկվեցին գրադարանի առաջիկա ծրագրերը և անելիքները։