Նորություններ

Տպագրվել է «Հայ մամուլի դերը ազգային արժեհամակարգի ձևավորման և պահպանման գործում. ընտանիք, հայրենիք, եկեղեցի» գիտաժողովի նյութերի ժողովածուն: Կազմող՝ Հայկանուշ Ղազարյան Խմբագիր՝ Ալբերտ Խառատյան Խմբագրական կազմ՝ Նաղաշ Մարտիրոսյան, Դավիթ Պետրոսյան, Մարիամ Հովսեփյան Ամփոփումների խմբագիր՝ Զառա Հովհաննիսյան 317 էջից կազմված այս ժողովածուի «Հոդվածներ» բաժնում զետեղված է 28 նյութ, «Ելույթներ» բաժնում՝ 2 նյութ, իսկ «Հաղորդում» բաժնում՝1 նյութ: Նյութերը ժողովածուում դասավորված են ըստ գիտաժողովի ծրագրի հերթականության: 2019 թվականին լրացավ հայ պարբերական մամուլի առաջնեկ «Ազդարար»-ի 225-ամյակը: Այս կարևոր հոբելյանի, ինչպես նաև 2019թ. Ամենայն Հայոց Կաթողիկոս Գարեգին Երկրորդի կողմից «Ընտանիքի տարի» և Մեծի տանն Կիլիկիո Կաթողիկոս Արամ Առաջինի կողմից «Հայ մամուլի տարի» հռչակելու առթիվ, նոյեմբերի 28-29-ին Հայաստանի ազգային գրադարանում տեղի ունեցավ «Հայ մամուլի դերը ազգային արժեհամակարգի ...

Հայաստանի ազգային գրադարանը լույս է ընծայել «Հովհաննես Թումանյան. կենսամատենագիտություն (2001-2020)» գիրքը, որը Ազգային գրադարանի Մատենագիտության և գրականագիտության բաժնի կազմած՝ Թումանյանի կենսամատենագիտության երրորդ մասն է: «Հովհաննես Թումանյան. կենսամատենագիտություն (2001-2020)» գիրքն ընդգրկում է նշված երկու տասնամյակում մեծ բանաստեղծի՝ տպագրված ստեղծագործությունները, փոխադրությունները, թարգմանությունները, նամակները, գրաքննադատական հոդվածները, ինչպես նաև նրա կյանքին ու գործունեությանը նվիրված հրապարակումները՝ հայերեն և ...

Հայաստանի ազգային գրադարանը 2020թ. հոկտեմբերին պայմանագիր է կնքել Publishers International Linking Association, Inc. (PILA) ընկերության հետ, ըստ որի՝ որպես PILA-ի պաշտոնական գրանցված կազմակերպություն, մատուցելու է CrossRef միջազգային մատենագիտական տեղեկատու համակարգին միացնելու ծառայություններ՝ թվային օբյեկտի նույնականացման (Digital Object Identification՝ DOI) միջոցով համաշխարհային գիտական ամսագրերի հրապարակումների միջև խաչաձև կապ ապահովելու համար: Միջազագային DOI-ի հիմնադրամի՝ թվային օբյեկտի նույնականացման գրանցման պաշտոնական գործակալությունը՝ Crossref-ը, միավորում է ակադեմիական հրապարակումների (ամսագրերի, մենագրությունների, գիտաժողովների նյութերի ժողովածուների) հրատարակիչներին: 2000թ. ստեղծված գործակալության նպատակը հոդվածներում մատենագիտական հղումների հուսալի համակարգի ձևավորումն է: Ազգային գրադարանի Հրատարակությունների գրանցման և ինդեքսավորման բաժինն այժմ ISBN, ISMN և ISSN ...

Հայաստանի ազգային գրադարանի սիրելի ընթերցողներ, ուրախությամբ հայտնում ենք, որ գրադարանի բաժնույթների ենթաբաժնի ընթերցողների համար արդեն հասանելի են հայկական ամենամեծ և առաջատար թվային գրադարանի՝ VLUME-ի մեծածավալ էլեկտրոնային պաշարները. բազմաթիվ էլեկտրոնային գրքեր և հազարավոր ժամերի ձայնագրություններ։ Այսուհետև ձեր սիրելի գրքերը կարող եք կարդալ և լսել նաև առօրյա օգտագործման սարքերով։ Գրանցվելու համար հետևեք տեսաուղեցույցներին. ➡️ https://youtu.be/1HbBO0P6d3c Նոյեմբերի 21-ից հասանելի է նաև VLUME-ի WEB տարբերակը http://vlume.com/ կայքում։ ...

‼️ՈՒՇԱԴՐՈՒԹՅՈՒՆ Հայաստանի ազգային գրադարանի սիրելի ընթերցողներ և հետևորդներ. կորոնավիրուսի տարածումը կանխարգելելու նպատակով Ազգային գրադարանի ընթերցողների սպասարկումը ս/թ նոյեմբերի10-22-ը ներառյալ դադարեցվում է: Մինչ բնականոն աշխատանքին վերադառնալը՝ կշարունակենք առցանց պատասխանել ձեր հարցերին, տեղեկատվություն տրամադրել էլեկտրոնային շտեմարանների մասին: Կշարունակենք ձեզ օգնել և ուղղորդել փնտրումների և հասանելի թվայնացված գրականությունից օգտվելու հարցում: Բոլոր այն քաղաքացիները, ովքեր այս ընթացքում կցանկանան գրանցվել և ընթերցողական տոմս ձեռք բերել, կարող են օգտվել ընթերցողների առցանց գրանցման ծառայությունից: Անհրաժեշտ է ընդամենը լրացնել ընթերցողների էլեկտրոնային գրանցման հայտը և ուղարկել ստորև նշված էլ. հասցեին: nla.circulation@gmail.com Ընթերցողների Էլեկտրոնային գրանցման հայտաձև https://is.gd/wUslLj Առաջիկա երկու շաբաթների ընթացքում, մինչ գրադարանում ընթերցողների սպասարկում չի ...

ՇՆՈՐՀԱՎՈՐ ՏՈՆԴ, ՀՀ ԳՐԱԴԱՐԱՆԱՎԱՐ Հայաստանի Հանրապետության սիրելի գրադարանավարներ Սրտանց շնորհավորում եմ մասնագիտական տոնի՝ Գրադարանավարի օրվա առթիվ Հայաստանի ու Արցախի համար այս ծանր, ճակատագրական պահին դուք հանձն առաք կարևոր առաքելություն. շարունակել մշակութային ժառանգության գանձերի պահպանման մարտավարությունը՝ է՛լ ավելի ուժեղացնելով առաջնագծի մարտիկների համար այդքան կարևոր թիկունքը: Դեռևս 5-րդ դարում պատմահայր Խորենացին է ասել. «Քաջերի սահմանը նրանց զենքն է»: Սակայն անհերքելի է, որ այս օրերի համար կենսական անհրաժեշտություն են նաև հոգևոր սնունդը և տեղեկատվության հասանելիությունը: Սիրելի գրադարանավարներ, թույլ տվեք երախտագիտությունս հայտնել ձեզ, որ ուժ ու կորով եք ներդրել՝ կյանքի բնականոն ռիթմը չխաթարելու համար, ձգտել այս դժվարին՝ համաճարակային և պատերազմական իրավիճակում հնարավորինս հասանելի լինել մեր ընթերցողներին: Տեղեկատվական պատերազմի դաշտում մարտնչող զինվորի հանդերձանքը ...

#Մենք_ենք_մեր_սահմանները Հայաստանի ազգային գրադարանը իր զինվորի կողքին է: Հայաստան Համահայկական Հիմնադրամի «Մենք ենք, մեր սահմանները. բոլորս Արցախի համար» համազգային դրամահավաք-արշավին իրենց ներդումն ունեցան Հայաստանի ազգային գրադարան ՊՈԱԿ-ի աշխատակիցները՝ նվիրաբերելով 1.200.000 ՀՀ ...

Գարեգին Բ Ամենայն Հայոց Կաթողիկոսն այսօր ընդունել է Հայաստանի ազգային գրադարանի տնօրեն Աննա Չուլյանին: Հայոց Հայրապետն օրհնության և շնորհավորանքի խոսքերով ողջունելով գրադարանի նորընտիր տնօրենին՝ ընդգծել է, որ Մայր Աթոռը մշտապես սերտ համագործակցություն է ունեցել գրադարանի հետ, համատեղ իրականացվել են բազմաթիվ ծրագրեր եւ հույս հայտնել, որ այդ ավանդույթները շարունակական կլինեն տիկին Չուլյանի պաշտոնավարման ընթացքում: «Մենք լիահույս ենք, որ այդ բարի ավանդույթները կշարունակվեն, մենք համատեղ կարող ենք գործել, ծրագրեր իրակացնել, որոնք օգտակար և շահեկան կլինեն երիտասարդ սերնդի և մտավորականության համար»,- նշել է Վեհափառ Հայրապետը: «Ինձ համար մեծ պատիվ է լինելը այստեղ և ստանալ Ձեր օրհնությունը: Մեծ պատասխանատվությանբ եմ ստանձնել գրադարանը ղեկավարելու գործը: Լիահույս եմ, որ կկարողանամ պահել ավանդույթները և, նոր մակարդակի բարձրացնելով, գնալ առաջ՝ դեպի միջազգայնացում և աշխարհին առավել ...

ԿԳՄՍ նախարար Արայիկ Հարությունյանն այսօր Հայաստանի ազգային գրադարանի անձնակազմին է ներկայացրել գրադարանի նորընտիր տնօրեն Աննա Չուլյանին, որն առավելագույն ձայներով հաղթող է ճանաչվել ԿԳՄՍ նախարարության կողմից տնօրենի թափուր պաշտոնի համար հայտարարված մրցույթում: Միջոցառմանը ներկա են եղել նաև նախարարի տեղակալ Նարինե Խաչատուրյանը եւ նախարարի օգնական Դավիթ Դանիելյանը: «Մինչեւ տիկին Չուլյանին ներկայացնելը կցանկանամ շնորհակալություն հայտնել Հրաչյա Սարիբեկյանին այս ընթացքում կատարած աշխատանքի համար: Նա բավականին բարդ, անցումային փուլում է ստանձնել գրադարանի ղեկավարի պարտականությունները, եւ ժառանգությունը, որ ստացել էր նախանձելի չէր: Այն խնդիրները, որ դրված են եղել պարոն Սարիբեկյանի առջեւ, հիմնականում լուծվել են եւ հիմա այդ աշխատանքը կշարունակի տիկին Չուլյանը՝ կրկնապատկելով ջանքերը, եւ Ազգային գրադարանը կծառայի հիմնական նպատակներին, որոնք ամրագրվել են գրադարանի ստեղծումից ի վեր»,- նշել ...