Միջոցառումներ

Հայաստանի ազգային գրադարանի և Österreichische NationalbibliothekԱվստրիայի ազգային գրադարանի միջև հունիսի 1-ին տեղի ունեցավ միջազգային փորձի փոխանակում: Քննարկմանը Հայաստանի ազգային գրադարանի համապատասխան ստորաբաժանումների մասնագետները անդրադարձան գրադարանի համար առաջնային կարևորություն ունեցող մի շարք հարցերի։ Քննարկում ծավալվեց գրականության պահպանման միջազգային չափանիշների շուրջ։ Կողմերն անդրադարձան նաև գրադարանային ֆոնդերի թվայնացման առաջնահերթությանը. թվային արխիվների ձևավորումը, զարգացումն ու պահպանումը ևս գրադարանային ոլորտին առնչվող և քննարկվող կարևոր հարցերի շարքում էր։ Ուղիղ տեսակապին Ավստրիայի ազգային գրադարանից մասնակցում էին թվային գրադարանի տնօրեն Միքայելա Մայըրը և թվայնացման բաժնի ղեկավար Իրիս Քլավատչը։ Հանդիպման ավարտի կողմերը քննարկեցին նաև միջգրադարանային համագործակցության հեռանկարային մի շարք ծրագրեր։ #միջազգային_կապեր #փորձի_փոխանակում ...

Այսօր՝ հունիսի  1-ին, աշխարհի տարբեր անկյուններում, այդ թվում՝ Հայաստանում, տոնում են Երեխաների պաշտպանության միջազգային օրը: Օր, որը խորհրդանշում է անհոգ և ուրախ մանկություն՝ լի վառ ու գունավոր պահերով: Ինչ է պետք երեխաներին երջանիկ լինելու համար… երգ, պար, խաղեր, վառ գույներ և անկեղծ ժպիտներ: Այսօր, Հայաստանի ազգային գրադարանում տրամադրությունը  նույնպես տոնական էր: Գրադարանը հյուրընկալել էր «Մանուկների Մոլորակ» գեղագիտական կենտրոնի փոքրիկ սաներին: Գունեղ հագուստներ, գեղեցիկ կատարումներ և բարձր տրամադրություն: Հանդիսատեսը արցախցի փոքրիկներն էին,  Ազգային գրադարանի աշխատակիցների երեխաները և Խ.Աբովյանի անվան թիվ 2 հիմնական դպրոցի աշակերտները: Մոլորակցիները կատարեցին «Երգչուհի»,  «Սուպեր բոյ»,  «Թագուհի»,  «Տատիկ»,  «Թիթիզ»,  «Ուսուցչուհի»,   «Երևան»,  «Մայրիկն ու հայրենիքը»,  «Հեքիաթների գիրք», «Ծաղրածու»,  «Մուլտերի աշխարհում»,  «Արևիկ»,  «Չարաճճի»,  «Ձեռքդ տուր» , և ...

✍️Անկախությունը մտնելու է յուրաքանչյուր հայ ընտանիք «Հայ ժողովուրդը դարեր շարունակ զրկված է եղել անկախությունից: Վաղը մենք կունենանք մեր ժողովրդի կամքի վերջնական պատասխանը: Այդ օրվա համար հարկ եղավ մղել դաժան պայքար, մեր ժողովուրդը տվեց զոհեր, ուստի նա շատ թանկ գնով վաստակեց իր պետականությունը ստեղծելու իրավունքը…» https://is.gd/t95Fm0 Ազգ Երեւան 1991 📚📰Հայաստանի ազգային գրադարանի թամանյանական մասնաշենքի փոքր ցուցասրահում այսօր բացվեց ցուցադրություն՝ նվիրված Հայաստանի անկախության հռչակագրի 30-ամյակին: Ցուցափեղկերում պարբերականներ են, որտեղ արտացոլված է նորանկախ երկրի անցած ճանապաարհը՝ ձեռքբերումներն ու դժվարությունները: Ցուցադրության են ներկայացված ՀՀ Գերագույն խորհրդի պատգամավոր Արամ Մանուկյանի կազմած 《Անկախությունը և ազատական բարեփոխումները》 հոդվածների ժողովածուի երկհատորյակը, ինչպես նաև 《Հայաստանի Հանրապետության անկախության հռչակագրի 30-ամյակ》 փաստաթղթերի ժողովածուն։ ...

Մայիսի 19-21-ին Ուզբեկստանի մայրաքաղաք Տաշքենդում անցկացվեց Ուզբեկստանի ազգային գրադարանի կազմակերպած «Կենտրոնական Ասիա–2021. գրադարանային տեղեկատվական աղբյուրները գիտության, կրթության, մշակույթի և գործարարության ոլորտներում» («Central Asia – 2021: Информационно–библиотечные ресурсы в науке, образовании, культуре и бизнесе») խորագրով միջազգային գիտաժողով։ Գիտաժողովի շրջանակներում Հայաստանի ազգային գրադարանի տնօրեն Աննա Չուլյանը գլխավորում էր ՀՀ պատվիրակությունը։ Հատկանշական է, որ սա Հայաստանի ազգային գրադարանի առաջին մասնակցությունն էր Central Asia գիտաժողովին. այն կազմակերպվում է 22 տարի շարունակ։ Գիատժողովին ներկայացվեցին թվայնացման ժամանակաշրջանում ընթերցանության խթանման, տեղեկատվական տեխնոլոգիաների օգնությամբ արխիվների և թանգարանների զարգացման, գրադարանային-տեղեկատվական նորարարական մեթոդների մշակման, ժամանակակից գրադարանի կառավարման, էլեկտրոնային կրթական տեղեկատավական ...

1990 թվականի օգոստոսի 23-ին Գերագույն խորհրդի նիստում Արամ Մանուկյանը ընթերցեց Հայաստանի Անկախության հռչակագիր։ 30 տարի անց Անկախության հռչակագրի մասին Ազգային գրադարանում խոսեց հենց ինքը՝ Արամ Մանուկյանը։ -Հայաստանի նորագույն պատմության մեջ Անկախության հռչակագիրը անվիճարկելի բարձրակետ է, և չկա մեկ այլ փաստաթուղթ, որ համարժեք լինի դրան իր նշանակությամբ։ Հետադարձ հայացքով ավելի հեշտ է արժևորել հռչակագրի նշանակությունը։ 1990-ի ամռանն ընտրվեց Գերագույն խորհուրդը։ Համընդհանուր ոգևորության մթնոլորտ էր տիրում և այս իրավիճակում օբյեկտիվորեն դժվար էր լուրջ, իրատեսական փաստաթուղթ մշակելը։ Անկախության հանրաքվեի իրավաբանական կարգավիճակը ավելի բարձր է, քանի որ այն համաժողովրդական «այո»-ի արդյունք է։ Ասեմ նաև, որ ճիշտ չեմ համարում այն պնդումը, թե անկախությունը մենք ձեռք չենք բերել, այլ այն մեզ նվիրվել է։ Անկախության համար ամենաշատը Հայաստանն է պայքարել։ Սա լուրջ և զոհողություններով ձեռք ...

Հայաստանի ազգային գրադարանի Արվեստի գրականության և ոչ գրքային հրատարակությունների բաժնի ընթերցասրահում ներկայացված է գրականության ցուցադրություն՝ նվիրված Թատրոնի միջազգային օրվան: Ցուցադրության են ներկայացված ինչպես հայ, այնպես էլ համաշխարհային թատրոնի պատմության մասին պատմող գրքեր և ալբոմներ: 🎭Մարտի 27-ին ամբողջ աշխարհում տոնում են Թատրոնի միջազգային օրը: Այն նշվում է 1961 թվականից, երբ ՅՈՒՆԵՍԿՕ-ի Միջազգային թատրոնի ինստիտուտը մարտի 27-ը հռչակեց Թատրոնի միջազգային օր: Առաջին տարին այս տոնը նշել են միայն Ֆրանսիայում, ապա տարածվել է ամբողջ աշխարհում: Այնուհետև տոնը դառնում է ավանդական ու նշվում է աշխարհի մի շարք երկրներում, այդ թվում նաև Հայաստանում: ...

Մանկական գրքի միջազգային օրվա առթիվ ապրիլի 2-ին Հայաստանի ազգային գրադարանում բացվել է «Մանկական գրքի պատկերազարդման հայկական արվեստը» խորագրով ցուցահանդես։ Ցուցահանդեսում ներկայացված էին 20-րդ դարասկզբից մինչև մեր օրերը հրատարակված նկարազարդ գրքեր` Հակոբ Կոջոյանի, Հրաչյա Ռուխկյանի, Գրիգոր Խանջյանի, Պերճ Սարկիսյանի և այլոց նկարազարդումներով։ «Փոքրիկ աղջիկ մը կար, որ կը բնակէր մեծ անտառի մուտքը գտնուող համեստ տնակի մը մէջ… Ո՜հ, որքա՜ն սիրուն էր այս փոքրիկ աղջիկը, չէք կրնար երեւակայել թէ ինչպե՜ս սիրուն էր ան… Եւ որովհետու գլխանոցը կարմիր էր եւ փոքրիկը միշտ զայն կը դնէր, զինք անուանած էին Փոքրիկ Կարմիր Գլխանոցաւոր…»: Հատվածը Շառլ Պերրոյի՝ մեզ հայտնի «Կարմիր գլխարկը» հեքիաթից է: «Կարմիր Գլխանոցաւորը» այսպես է վերնագրված եղել 1926 թվականին «ԳԱՐՈՒՆ» մանկական մատենաշարով Գ.Աթանեսյանի աջակցությամբ տպագրված գրքույկը: Հայաստանի ազգային գրադարանի փոքր ցուցասրահի ...

Հայաստանի ազգային գրադարանի մեծ ցուցասրահում տեղի ունեցավ գեղագետ-արվեստաբան Լևոն Լաճիկյանի «ՀԱՅԿԱԿԱՆ ԵԿԵՂԵՑԻՆԵՐ» բացիկաշար-ալբոմի շնորհանդեսը։ Գծանկարչական այս եկեղեցապատումը լույս է տեսել «Էդիթ պրինտ» հրատարակչության նախաձեռնությամբ ու ջանքերով։ Ուշագրավն այն է, որ նուրբ ու բարձրարվեստ կատարման շնորհիվ մեզ ծանոթ պատմական հուշարձանները կարծես նոր հնչեղություն են ստացել: Գեղազարդ յուրաքանչյուր բացիկ գեղարվեստականից զատ ունի նաև ճանաչողական նշանակություն՝ շնորհիվ դրանց դարձերեսին զետեղված հայերեն ու անգլերեն հակիրճ նկարագրությունների: Հավաքածուի խմբագիրն է պատմական գիտությունների դոկտոր Կարեն Մաթևոսյանը: Այս առիթով առաջին անգամ արվեստասերին ներկայացվեց նաև Լևոն Լաճիկյանի 33 եկեղեցական գծանկարների բնօրինակները՝ ընդհանուր պատկերացում տալով հայ եկեղեցական արվեստի զարգացման իրարահաջորդ փուլերի մասին: Սա անվանի արվեստաբանի արդեն 16-րդ անհատական ցուցահանդեսն է: Ցուցահանդեսում ...

#Կանանց_միամսյակը թերևս լավագույն առիթներից է անդրադառնալու և ծանոթանալու անվանի հայ ստեղծագործ կանանց գործերին, քննարկելու, գուցե նաև ներկայում ուղորդվելու նրանց մտքերով և գաղափարներով: Կանանց միամսյակին նվիրված միջոցառման շրջանակում Հայուհիների համահայկական միության հետ համատեղ տեղի ունեցավ հայ անվանի կին-գրողներին և նրանց ստեղծագործություններին նվիրված «Գտի՛ր քո հայ կին-հեղինակին» խորագրով միջոցառում, որի շրջանակում ներկաները ծանոթացան «Ինչո՞ւ կարդալ ….» տեսաուղերձների շարքին: Ազգային գրադարանի փոքր ցուցասրահում ներկայացվել էին հայ անվանի կին հեղինակներին նվիրված գրականության ցուցադրություն։ Այն հեղինակների անունները, որոնք հնչեցին այսօր` ապրել և ստեղծագործել են տարբեր ժամանակահատվածներում, տարբեր իրականությունների մեջ, տարբեր երկրներում, բայց նրանց միավորել է նվիրվածությունը` գաղափարներին, աշխատանքին, գրին և սկզբունքներին: Տեսաձայնագրված կարճ ուղերձները ընդամենը նախաբան ...

📚2021 թվականի ապրիլի 12-19-ը Հայաստանում Ազգային գրադարանային շաբաթը կանցկացվի հոբելյանական՝ 20-րդ անգամ։ Ավանդական դարձած Ազգային գրադարանային շաբաթը կազմակերպվում և անցկացվում է Հայկական գրադարանային ասոցիացիայի կողմից` 2002թ.-ից: Շաբաթի նպատակն է մեկ անգամ ևս կարևորել գրքի և գրադարանների դերն ու նշանակությունը հասարակության զարգացման գործում: Ազգային գրադարանային շաբաթին իրենց ծրագրերով միանում են Հայաստանի գրեթե բոլոր գրադարանները։ Այս տարի Ազգային գրադարանային շաբաթի հանդիսավոր բացումը տեղի կունենա Հայաստանի ազգային գրադարանի մեծ դահլիճում։ Ի դեպ, 2002թ. ապրիլի 14-20-ը, երբ Հայաստանում անցկացվեց առաջին Ազգային գրադարանային շաբաթը, հանդիսավոր բացումը դարձյալ տեղի ունեցավ Հայաստանի ազգային գրադարանի մեծ դահլիճում։ Միջոցառմանը մասնակցել և ելույթներ են ունեցել ՀՀ ԳԱԱ ակադեմիկոսներ, գրողներ, արվեստագետներ, դիվանագետներ, տեղական և միջազգային կազմակերպությունների ...