Միջոցառումներ

2018 թվականին Թուրքմենստանի և Հայաստանի Հանրապետության կառավարությունների միջև կնքվեց փոխհամագործակցության համաձայնագիր: 2018-2020թթ. մշակույթի և արվեստի բնագավառի ներկայացուցիչների միջև պարբերաբար տեղի են ունեցել առցանց հանդիպումներ և փորձի փոխանակում: Ծրագրի շրջանակում «Գրադարանային ֆոնդի պահպանություն» (“Сохранность библиотечного фонда”) խորագրով առցանց հանդիպում-քննարկում տեղի ունեցավ Հայաստանի ազգային գրադարանի և Թուրքմենստանի մարզային գրադարանների աշխատակիցների միջև: Քննարկվեցին գրքային ֆոնդի պահպանման մի շարք արդյունավետ և ժամանակակից տարբերակներ, գրքերի վերականգնման ժամանամակից եղանակներ, ինչպես նաև ընթերցող-գրադարան կապի ամրապնդմանն ուղղված մի շարք արդյունավետ մեթոդներ և այլ հարցեր: ՀԱԳ Անձեռնմխելի գրականության բաժնի աշխատակից Ասպրամ Աշուղյանը ներկայացավ “Сохранность фонда редких изданий Национальной библиотеки Армении” թեմայով զեկույցով: ...

ՀՀ ԿԳՄՍ նախարարության նախաձեռնությամբ՝ նեյեմբերի 3-ին, Երևանի Հյուսիսային պողոտայում կազմակերպվեց հուշանվերների և գրքերի ցուցահանդես-վաճառք, որի ամբողջ հասույթը փոխանցվեց Զինծառայողների ապահովագրության հիմնադրամին: Ցուցահանդես-վաճառքին մասնակցեց նաև Գրատպության թանգարանը: Ցուցահանդեսին վաճառվեցին Գրատպության թանգարանի հուշանվերների անկյան գեղեցիկ, յուրահատուկ ու չկրկնվող հուշանվերեներից շատերը: Վաճառքի էին ներկայացված հայերեն առաջին տպագիր հայերեն առաջին տպագիր գրքի՝ («Ուրբաթագիրք») կրկնօրինակ-հուշանվերը, հայերեն առաջին տպագիր քարտեզի՝ «Համատարած աշխարհացույց»-ի պատկերով շարֆեր, քարտեզի դետալներով փոստային բացիկներ, հայ առաջին տպագրիչ Հակոբ Մեղապարտի դիմապատկերով բրոնզից պատրաստված հուշանվեր-կրծքանշաններ եւ այլ չկրկնվող նմուշներ, որ կհիշեցնեն գրատպության թանգարանի մասին: ...

ՀՀ արտակարգ իրավիճակների նախարարության մասնագետներն այսօր Հայաստանի ազգային գրադարանի աշխատակիցներին ներկայացրին արտակարգ իրավիճակում կողմնորոշվելու, «Օդային տագնապ» ազդանշանի դեպքում տարհանման և շտապ ապաստարաններ տեղափոխվելու հրահանգները: Ճգնաժամային կառավարման մասնագետ Անի Տերտերյանը հանգամանալից ցուցումներ տվեց այս օրերին ազգաբնակչությանը հուզող այս հարցերի մասին: Ազգային գրադարանի տնօրինությունն աշխատակիցներին հավաստիացրեց, որ գրադարանը հուսալի ապաստարաններ ունի: Առաջիկայում նախատեսվում է նշված թեմայով ևս մեկ պրակտիկ ...

Հայաաստանի ազգային գրադարանն այս տարի ևս միանում է «Եվրոպական ժառանգության օրեր» համաեվրոպական նախաձեռնությանը: Այն այս տարի անցկացվում է  «Ժառանգություն և կրթություն. ցկյանս ուսումնառություն» խորագրով՝ սեպտեմբերի 26-27-ին՝ գլխավորապես առցանց: Հայաստանի ազգային գրադարանը ներկայանում է հետևյալ ծրագրով.   ՍԵՊՏԵՄԲԵՐԻ 26   12.00. «Գիր հավերժության. Ուրբաթագրքից մինչև մեր օրեր». առցանց ցուցադրություն՝ տարբեր ժամանակաշրջաններում հայ գրատպության պատմության մեջ առանցքային նշանակություն ունեցող գրքերը և դրանց հեղինակները:   14.00. Առցանց շրջայց ՀԱԳ գրատպության թանգարանում:   17.00. Հայ պարբերկան մամուլի դերը ազգային լուսավորության զարգացման գործում Առցանց ցուցադրություն՝ նվիրված հայ մամուլի հրատարակությունների հոբելյաններին: Ցուցադրությանը կարող եք ծանոթանալ նաև Ազգային գրադարանի Թամանյանական մասնաշենքի փոքր ցուցասրահում:   ՍԵՊՏԵՄԲԵՐԻ 27   12.00. ՂԵՎՈՆԴ ...

2017 թվականի սեպտեմբերի 25-ին Հայաստանի ազգային գրադարանում  բացվեց տարածաշրջանում իր տեսակի մեջ եզակիԳրատպության թանգարանը: Գրատպության թանգարանը սիրելի ու հարազատ վայր է դարձել գրատպության պատմությամբ հետաքրքրվող բոլոր այցելուների համար: Այն կրթական ու ճանաչողական հիանալի միջավայր է նաեւ ուսանողների համար: Գրատպության թանգարանը ներկայացնում է գրատպության ամբողջ պատմությունը՝ տպագրության գյուտից մինչև մեր օրերը: Այստեղ ցուցադրված են արժեքավոր տպագրություններ և բացառիկ ցուցանմուշներ. հայերեն առաջին տպագիր գիրքը, ամսագիրը, քարտեզը, մաթեմատիկայի դասագիրքը, ինչպես նաև՝ տպագիր հայոց այբուբենը եվրոպացի հրատարակիչների գրքերում, մեկդարյա պատմություն ունեցող տպագրական մեքենաներ, փայտափորագիր տախտակներ, կլիշեներ, Հայաստանի և Արցախի մամուլի եզակի նմուշներ և այլն: Գրատպության թանգարանի բացման նախապատրաստական աշխատանքների և պաշտոնական բացման մասին լրատվամիջոցների անդրադարձը՝ հղումներում ...

Յաղթանակը դարձնել յարատեւ Անկախութեան հռչակումով Հայաստանը անցաւ այն երկրների շարքը, որոնք իրաւականօրէհ հնարավորութիւն ունեն տնօրինելու իրենց ճակատագիրը, մշակելու իրենց ապագայ ծրագիրը եւ ճշտելու այն ուղին, որը պիտի առաջնորդի անկախութեան տիրացած ժողովրդին դէպի առաջ ու դէպի լիարժէք անկախութիւն: Անկախութիւնը մարդկային հասարակութեան մէջ եւ նրա կեանքում եւ բոլոր ժամանակներում նկատւում է որպէս անփոխարինելի արժէք: Հայ ժողովուրդը՝ իր նկարագրով՝ եղել է ջատագովն ու պաշտպանը անկախութեան գաղափարի: Պատմութեան անիւը պտտուեց եւ մի պահ կանգ առաւ աշխարհին ցուցադրելու հայի փայփայած գաղափարի յաղթանակը… » https://is.gd/JntGzb «Ալիք» Թեհրան 1996 թ. #ինչ_էր_գրում_մամուլը #Անկախ_Հայաստան 29 #Մեր_Հայրենիք Հայաստանի ազգային գրադարանի սեպտեմբեր քսանմեկյան հրապարակումները եզրափակենք ՀՀ անկախության 29-րդ ամյակին նվիրած մամուլի տեսությամբ: Առաջարկում ենք ծանոթանալ Հայաստանում եւ սփյուռքում լույս տեսած ...

Մայր Աթոռ Սուրբ Էջմիածինը Հայաստանի ազգային գրադարանի հետ համատեղ հրատարակել է Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի՝ 1951-2019 թթ. Տարեգրությունը եւ կենսամատենագիտությունը: Արժեքավոր այս աշխատությունը լույս է ընծայել Մայր Աթոռ Սուրբ Էջմիածնի հրատարակչությունը: Գիրքը կազմել են Մայր Աթոռ Սուրբ Էջմիածնի «Վաչե և Թամար Մանուկյան» մատենադարանի տնօրեն, ՀՀ գրադարանների խորհրդի անդամ Տ. Արարատ քհն. Պողոսյանը, Հայաստանի ազգային գրադարանի Մատենագիտության եւ գրադարանագիտության բաժնի վարիչ Մայա Գրիգորյանը եւ նույն բաժնի աշխատակից Գոհար Սարգսյանը. Խմբագիրն է Տ. Արարատ քհն. Պողոսյանը: Աշխատությունը բաղկացած է երկու մասից: Առաջին մասը Վեհափառ Հայրապետի 1951‒2019 թթ. տարեգրությունն է, իսկ երկրորդ մասը՝ Վեհափառ Հայրապետի կենսամատենագիտությունը, որի միջոցով ինչպես մերօրյա հասարակությանը, այնպես և ապագա սերունդներին հնարավորություն է ընձեռվում` լավագույնս ճանաչելու և անկողմնակալ ու ...

Դահլիճում կանայաք են, ու բոլորը երգում են. Օրոր ասեմ, քունը տանի Չար կամարը ճուրը տանի… Ճանաչված ֆոլկ երգչուհի, ՀՀ վաստակավոր արտիստ Հասմիկ Հարությունյանը խմբավարը: «Մենք բախտավոր ենք, որ տարիներ շարունակ մեր օրորոցայինները բանավոր կերպով փոխանցվել են այնքան, մինչեւ ստացել են նոտագրված եւ գրավոր տեսք: Ես մտածում եմ, որ ես իրավունք էլ չունեմ այն ամենը ինչ գիտեմ եւ սիրով կատարում եմ, պահեմ իմ մեջ, որովհետեւ շատ հաճելի զգացողություն է, որ ժողովրդից եկածը նորովի վերադարձնում ես ժողովրդին: Թեկուզ եւ դա մեկ երկու հոգու սրտին դիպչի, թեկուզ մեկ հոգու առավոտը նորովի եւ ուրախ բացվի, դա կլինի մեր արձանագրված հաջողությունը»,- նկատում է երգչուհին ու 2019 թվականին հրատարակված «Օրորներ» երգերի երկլեզու գիրքը ներկայացնում: Պատմում է՝ նման ժողովածու կազմելը վաղուցվա երազանք է եղել: Տպագիր եւ անտիպ աղբյուրներից հավաքել, դասակարգել եւ ծանոթագրել է շուրջ վեց տասնյակ օրորոցային: Ժողովածուն ունի ...

Մեծարգո Տիկին Վառվառե Քանաքանին՝ Վահան Տերյանից: «Մթնշաղի անուրջներ», 1908 թվական, Թիֆլիս Սա Վահան Տերյանի ինքնագրով միակ գիրքն է, որ պահվում է Հայաստանի ազգային գրադարանի Անձեռնմխելի գրականության ինքնագրերի հավաքածուում: Ինչպե՞ս է գիրքը հասել գրադարան, ո՞վ էր երջանիկ տիկինը, որին նվիրել էր բանաստեղծը իր առաջին ժողովածուն…Հստակ տվյալներ չկան: Հրատարակվելուց ավելի քան մեկ դար անց գիրքը, որը Տերյանը սիրով մակագրել է, Ազգային գրադարանի ցուցափեղկում է, կողքին արժեքավոր այլ հրատարակություններ՝ 1912 թվականին Մոսկվայում լույս տեսած ժողովածուն, որի առաջաբանի հեղինակը նույնպես Վահան Տերյանն է, 1940 թվականին Երեւանում տպագրված գիրքը, որի խմբագիրը Ավետիք Իսահակյանն է, 1923 թվականին Կ. Պոլսում հրատարակված եռահատորը, մամուլի հրապարակումներ, թարգմանություններ, Տերյանին կյանքի ու գրական ժառանգության մասին արժեքավոր հրատարակություններ, Տերյանի բանաստեղծությունների հիման վրա գրված ...

Հայաստանի ազգային գրադարանում նշվեց հայ մամուլի արքա Գրիգոր Արծրունու 175-ամյակը: Մատենագիտության և գրադարանագիտության բաժնի վարիչ Մայա Գրիգորյանը հանդես եկավ զեկույցով՝ ներկայացնելով հրապարակախոս, հասարակագետ, քննադատ, գրական-հասարակական գործիչ Գրիգոր Արծրունու գործունեությունը: Բանախոսն առանձնակի ուշադրություն դարձրեց Արծրունու հիմնած «Մշակ» լրագրին, հրատարակման տարիներին: Նա նշեց, որ «Մշակ» հասարակական-քաղաքական, գրական թերթով Արծրունուն հաջողվեց համախմբել ժամանակի հայ մտավորականության առաջադեմ ուժերին. Պերճ Պռոշյան, Ղազարոս Աղայան, Գաբրիել Սունդուկյան, Ալեքսանդր Շիրվանզադե, Վրթանես Փափազյան, Րաֆֆի… «Մշակ»-ին աշխատակցելու տարիների մասին Րաֆֆին գրում է. «Ես երբեք չեմ մոռանա այն աղմկալի ժողովները, որ կազմվում էին այդ լրագրի խմբագրատան մեջ մի քանի տարի առաջ: Եթե ես ունեցել եմ իմ կյանքի մեջ մի քանի ոսկի րոպեներ, դրանք պատկանում են այդ ժամանակին»: Արծրունիների տոհմի ժառանգ, ...